ضميان والماء ضحاح ومشربه شيني = والعد الآخر سعيت وطحت من دونه
مسكين قلب وقع مابين الأثنيني = يظن والوقت عيا يسعف أظنونه
هذا عليه الرضاوتلد له عيني = وهذاك معه الهوى يمشي على هونه
العذر لله وأنا وشعاد بيديني = هب الهوى والشجر مالت به غصونه
قولوا له ايلد صوبي لايخليني = يوم أن هرجه دوى قلبي وطاعونه
أليا هرجلي سواليفه تسليني = واسري مع الليل وابحث كل مكنونه
ابيع بيعات خسران الملاييني = واشريه لاباعني وامنه ماخونه
ويلا وليته ذبحته ذبح سكيني = ذبح من الهجر تنزف منه عيونه
واكويه واذكره يوم انه يكويني = واقول طالع افوادي هذي اطعونه
واسبابها يوم تلعبي وتغريني = وتقول هذا الهوى يلعب ابمجنونه
لاوالله الا هدب عينك معنيني = حبايل للهوى نزره و*****ه
أن سلهمت قلت ياربي تنجيني = وأن لجلجت ضاع وجهي وأنصفق لونه
وآحظ ياللي تبيني بس تخطيني = أن كان بك جود رده وانطح اظعونه
الحب واحد ولا في الصدر قلبيني = خله يدك الحشا ويزعزع أركونه
--------------------------------------------------------------------------------
