الشاعر سالم حمد العازمي تدرين وادري بنفترق

السلام عليكم


اخواني هذه قصيده


جديده من اختياري

للشاعر: سالم حمد

واتمنى ان تحوز على اعجابكم

.
.

اكـذب عليك ان قلت فـرقاك عادي=واكـذب عليك ان قلت قاسي ولا لنت
لا والله إلا زاد عـقبك هجادي = هان السهر والصبر بس انت ماهـنت
تـدري وش اللي حـالني عن رقادي؟ =انك وفيت ايام حبـك ولا خنت
كـانت على لمسك تموت الايادي= وكنت اقرب العالم وياشينها ..(كنت)؟!
وكانوا يحسـدوني عليك العبادي = وانا اشهد انك وقـتها للهوى صنت
وكـنّا ليامنـّا سمعنا (عـبادي)=(تـدرين وادري بنفترق) .صحت.لا..انت
وهالحين (قلبي يحترق) يا مـرادي = لكن بحكم الله وما قـّدر آمنت
شربت من ثـدي الصبر في مهادي = وعلى الهموم وضيقة الخاطر ادمنت
مـآخذ على نفسي حـقوق ومبادي = وعاهدت دمعي ما يحدّر على بنت
لكن عـصاني دمعي اللآ إرادي=وما قول غير احسنت.احسنت. احسنت


الشاعر: سالم حمد الملعبي العازمي

ما قصرتي اخت شوشو كثر المدح وفيج ما يوصل جزا لج وشكرا للجميع واخت شوشو وتقبلووو مروري وشكراااااا,,,,,